- Advertisement -
काठमाडौँ। नागरिक उन्मुक्ति पार्टीकी अध्यक्ष रन्जिता श्रेष्ठलाई संसदीय दलको नेताबाट हटाएको छ । आइतबार बसेको पार्टीको संसदीय दलको सचिवालय बैठकले बहुमत सदस्यको उपस्थितिमा श्रेष्ठलाई संसदीय दलको नेताबाट हटाएको हो ।
संसदीय दलको निर्णय संसद् सचिवालयलाई गराउने तयारी रहेको छ । रञ्जितालाई दलको नेताबाट हटाउने निर्णयमा गंगाराम चौधरी डगौरा, अरूणकुमार चौधरी र लालवीर चौधरीले हस्ताक्षर गरेका छन् ।
- Advertisement -
बैठकले गंगाराम चौधरी डगौंरालाई संसदीय दलको नेताको जिम्मेवारी दिएको छ । प्रमुख सचेतक लालवीर चौधरीलाई बनाइएको छ । लालवीर नाउपाका संरक्षक रेशम चौधरीका बुबा हुन् । यसअघि गंगाराम प्रमुख सचेतक थिए ।
- Advertisement -
प्रतिनिधि सभामा नाउपाका चार सांसद रहेका छन् । तीन सांसद मिलेर अध्यक्ष रञ्जितालाई संसदीय दलको नेताबाटै हटाएका हुन् । रञ्जिता र रेशमबीचको सम्बन्ध चिसिएपछि पार्टी धरासायी बनेको छ ।
- Advertisement -
