सिसेक्पा कप २०८० फुटसल प्रतियोगिता’ साउन २७ र २८ गते हुने

काठमाडौँ । याक्थुङ युवा मञ्च, जिल्ला कार्य समितिको आयोजनामा ‘सिसेक्पा कप २०८० फुटसल प्रतियोगिता’ साउन २७ र २८ गते हुने भएको छ । विगत ३ वटा संस्करणहरु सफलतापूर्वक सम्पन्न गरेको आयोजकले चौँथो संस्करण साउन २७ र २८ गते Futsal Village, ढोलाहिटी, ललितपुरमा गर्ने र आवश्यक अन्तिम तयारी भइरहेको जनाएको छ । यसपटक फुटसल प्रतियोगिताको लागि आवश्यक ग्राउन्ड काठमाडौँमा नपाइएकोले ललितपुरको ढोलाहिटीस्थित Futsal Village मा गर्ने आयोजकले जनाएको छ । जुन नखिपोट माइक्रो बस स्टेन नजिक रहेको छ ।

प्रतियोगिताको प्रथम पुरस्कार ६० हजार, दोस्रो पुरस्कार ३० हजार छ र उत्कृष्ट खेलाडीलाई ट्रफीसहित रु ५ हजार रहने छ ।प्रतियोगितामा सहभागी हुनेहरुले अतिरिक्तसहित ७ मध्ये ४ जना अनिवार्य लिम्बू हुनुपर्ने सर्त रहेको आयोजकले जनाएको छ । प्रतियोगिता टुनामेन्ट फर्मेट नकआउट हुने पनि जनाएको छ ।सहभागी जनाउन चाहने टिमहरुले आयोजकको मोबाइल नम्बरहरु 9814002865, 9813704056, 9814010690 मा सम्पर्क गर्न सकिने बताएको छ ।